Ur prezegenner ampart ha selaouet...

Hiziv hon eus bet ar chañs da dremen ur pennad amzer gant Kenny, ur Maasaiad, deuet da gomz ouzh hor skolajidi 4re ha 3de diwar-benn e bobl, ar Vaasaied. Prientet e oa bet an emgav gant Ninnog ha gant ar gevredigezh Solidarité Breizh-Maasai.

Dalc'h ur mesaer...

Un drugar eo bet ar gaoz-se. Distaget plaen e saozneg. Ur youl da vont e darempred ha da zegemer kement ha da reiñ. Roet ez eus bet deomp da santout petra eo diazez ar sevenadur Maasai, al liamm ouzh ar vamm-douar, ar familh, an degemer hag ar bevañ asambles, pouez ar bezañ a-unan gant an douar ha gant an dud hag an disfiz diouzh kement a c'hell dizenelaat Mab-den. Ur gentel a furnez e gwirionez a-berzh ur boblad ken gwallgaset gant an istor, laeret he douaroù diganti hag en arvar he buhez.

Berzh bras gant an doare da zeskiñ kontañ e maa. Gwall zisheñvel an doare da gontañ gant ar bizied...

Bourrañ a rae Kenny e-touez ar skolajidi hag ar skolajidi gantañ. Un dra gaer ar pezh a ra ar gevredigezh Kenskoazell Breizh-Maasai evit o sikour da doullañ evit kaout dour hag all. Arabat disoñjal e vo un abadenn gant Nolwenn Korbell ha Soig Sibiril e sal an Tog Ruz warc'hoazh da noz.

Maasaiad e-touez Breizhiz, un den e-touez tud all...

Un nebeud skeudennoù da zegas soñj eus dibenn ar bloavezh-skol-mañ.

Gala :

Sirius an traoù...

Ostizezed ha loread gwisket kran...

Keneiliezh anat...

Ar vrezhonegerien galonekañ, dreist-holl brezhonegerezed, ret en anzav...

Plasenn an amann...

Paotred a oa ivez...

Hir ar gortoz ?

Traoù war an daol !

Plijadur o tebriñ merenn...

Pezhioù-c'hoari en Dachenn Wenn. D'ar Yaou diwezhañ da noz e oa bet pezhioù-c'hoari kaer dirak skolajidi ha kerent. N'eo ket bet kavet hir an amzer rak birvidigezh, ijin a oa ha plijadur o klevout brezhoneg distaget mat ! Trugarez da Fanny evit he labour.

Dibenn bloavezh-skol ar skipailh

Anna-Vari, Dafarourez Eil Derez Diwan a gemer ur bloavezh vak.

Diouer a vo dezhi !!!

Devezh skipailh d'ar Yaou 30 a viz Mezheven, degemer mat da Lisa ! Kenavo da Soazig Kerouredan !

Devezh skipailh d'ar Gwener 1añ a viz Gouere

Skañv an traoù a-raok mont e vakañsoù...

Kimiad diouzh Annaëlle, muchas gracias/mila esker ha chañs vat !

Kalz a gemmoù tud a vo a-benn an distro-skol pa ya kuit Fanny, Annaëlle, kelennerezed, Soazig, Lenig, Quentin, kasourien, Hoel, levraoueger. Trugarez ha chañs vat dezho holl !

Er mintin-mañ e oa emgav e Leuc'han e kreizenn Yoga Satyananda evit izili ar c'hlub Yoga evit ober un dra nevez evidomp, ur mandala.

Amañ e welit disoc'h an ober a-stroll-se a zo bet ezhomm a galz a basianted da gas da benn. Heuliañ al linennoù, lakaat evezh, kenlabourat. Un dra genedus a zo levenez da viken... Poaniañ, emstrivañ evit tizhout un oberenn a-stroll, diabarzh ha diavaez. Ur skol a basianted, a emgreizañ hag a beoc'h spered. Trugarez d'hor c'helenner, Manu Méhu.