Dre dren ha dre garr-boutin hon eus graet hent a Gemper da Arrasate. Dre dren Kemper-Bourdel, Bourdel-Hendaia, ha dre garr-boutin Goierribus betek Arrasate. 24 e oamp a Gemper ha 16 a Wened. Amañ dindan un tamm dezrevell a zeiz da zeiz dre skeudennoù dreist-holl, ur pennad gant skolajidi a vo embannet prestik. Trugarez d'ar re o deus degaset skeudennoù.

 

 

 

Un hir a c'hortoz e porzh-houarn Bourdel Sant-Yann

 

D'ar Meurzh e oamp bet diouzh ar mintin e Gernika, mirdi ar Peoc'h ha Casa de Juntas, hep disoñjal ur weladenn da wezenn ar frankizoù euskarek, Gernikako Arbola, Dervenn Gernika.

 

 

 

E ti Breudoù Bizkaia

 

 

Dirak an dervenn...

 

Sklaeraet e oa an oabl goude merenn, pik-nik war vord Stêr-Nervion ha gweladenn mirdi Guggenheim e Bilbao.

 

 

 

 

 

 

 

Cheñch kêr, a-us "Guggenheim ar gwin", graet ivez gant Frank Gehry, e Elciego, korn-bro Rioja Araba

 

D'ar Merc'her, gweladenn Donostia gant hor skolajidi hag o c'henskriverien. Dindan an hinon. Menez Urgull hag e virdi, ar porzh, ar gêr gozh, amzer vak, pourmenadenn a-hed an draezhenn betek krib an avelioù dindan menez Igeldo.

 

 

 

Menez Urgull, dindan delwenn ar Galon Sakr

 

 

 

O tiskenn eus Menez Urgull

 

 

Savadur goullo Jorge Oteiza

 

 

Merc'hed o tidoullañ rouedoù war ar porzh

 

 

Kontxa, ar grogenn, anv an draezhenn diouzh he stumm

 

 

Krib an avelioù Chillida

 

 

Ar skipailh : Annaëlle, Arantza, Pepe, Ana ha Denez

 

Yaouvezh en Arrasate, diouzh ar mintin dont da anavezout an ikastola hag he zalvoudoù, kevelouriezh, euskareg...

E fin ar mintinvezh e tegouezhe ar c'horrika e Arrasate, ur pezh lañs entanus. Tud e-leizh ha startijenn forzh pegement !

Goude merenn c'hoarioù hengounel war an uhel, dañsoù, kan, klask an teñzor e kêr... Aozet dispar gant Urtzi, kelenner Deskadurezh Korf ha Sport.

 

 

An aotrou Arizmendi-Arrieta e liorzh ar skol-veur

 

 

Jone, renerez, o tisplegañ deomp spered ar sevel a-stroll. Amañ oberennoù teknologiezh.

 

 

Yezh ar vro da gentañ. Pepe o tisplegañ an darempredoù sokio-yezhoniezh er vuhez pemdeziek

 

 

Prest da vont de'i !

 

 

 

Aurrera ! Arrasaten ere, euskararen alde !

 

Ttipi, ttapa. Ttipi, ttapa. KO-RRI-KA !

 

 

 

 

 

 

 

Dastum ar pennoù maiz a-strew. Simpl, lañsus ha... lazhus !

 

 

 

Herriko plazan. War leur-gêr an ti-kêr, embann disoc'hoù klaskadeg an teñzor ha prizioù saourus d'ar re wellañ.

 

Diouzh an abardaez e oa bet aozet c'hoarioù a bep seurt evit ar vugale, dibunadeg ar ramzed, dañsoù...

 

 

 

 

 

 

 

D'ar Gwener e oamp bet o welout Oiartzun hag Hondarribia (ma voe skoliataet Jakez Riou, Youenn Drezen h.a.).

Gweladenn zedennus e mengleuz Arditurri ma voe tennet houarn anezhi adalek amzer ar Romaned betek fin an ugentvet kantved. Talvoudegezh c'heologel hag armerzhel. Dedennus-kenañ !

 

 

 

 

E-tal toull ar vengleuz

 

 

E diabarzh Mengleuz Arditurri, sanioù dizourañ enni eus amzer ar Romaned

 

 

 

Daoust d'ar gounidoù e chom ar bevañ en euskareg ur stourm ! Na gant hor brezhoneg ?

 

 

 

Kenavo da venez Udalaitz. Trugarez vras, mignoned, evit ho tegemer. Agur eta mila esker !

      A-benn sevel ur rummad abadennoù nevez e oa deuet skipailh Mouchig-Dall (abadenn ar re yaouank skignet war France 3 d'ar Merc'her war dro 8e20) en darempred ganeomp evit kejañ ouzh skolajidi sot gant ur sport bennak ha prest da ziskouez ha da zisplegañ da Riwal (an animatour) ar penaoz hag ar perag.

 

     Setu ar rentañ-kont savet gant ar skolajidi:

 

D'al Lun 28 a viz C'hwevrer eo deuet Riwal hag e skipailh e kreizenn marc'hegañ Rosquerno e Pont-'n-Abad. Leïla, Erell ha Maëlenn o deus displeget dezhañ da gentañ penaos broustañ ur marc'h en ur ziskouez an dafar a zo ezhomm. Nag a basiantez gant Radja, marc'h Maëlenn! Ur wech war varc'h ne oa ket nemet rebechoù gant ar merc'hed, paourkaezh Riwal! Bezañ eeun, treiñ a-gleiz hag a-zehoù, mont war-raok zoken!

C'hoarzh, fent ha plijadur a zo bet en devezh-se, memes ar mikro a denne d'ur garotezenn vlevek ha hir! Iskis e oa bezañ filmet gant ur c'hamera ken bras!

Maëlenn, Leïla hag Erell (5vet Klas)

 

Vincent hag Ilan a zo bet war varc'h-houarn gant Riwal d'ar Merc'her 2 a viz Meurzh diouzh ar mintin. Evit an abadenn e oa an emgav e Krec'h Gwenn. C'hwec'h den a zo deuet: Mael Kernalegenn, Riwal, ul leurenner, un den evit ar c'hamera, unan all evit ar son, hag unan diwezhañ hag a zouge an trebez.

"Bet omp bet en ur Skate-Park e-kichen ar mor hag e-barzh Koad Keradeneg, teir eurvezh-pad en holl. Komzet hon eus diwar-benn ar mekanik gant Riwal ha ne ouie netra, hervezañ. Klasket hon eus deskiñ dezhañ mont war velo, fentus e oa! Koulskoude e ya Riwal war varc'h-houarn bep Sadorn..."

Vincent hag Ilan (5vet Klas) 

 

DIWALLIT!!!!!

SKIGNET E VO AN ABADENNOÙ-SE D'AN 18/05 HA D'AR 15/06 WAR FRANCE 3 WAR-DRO 8e20!!!!

 

 

Fañch, Mathieu hag ar re all krog ganti...

 

Chantier a oa disadorn war ar plomerezh hag an tredan da gas da benn vat al labourioù e sal ar skiantoù. Labour vat a zo bet graet gant tud mennet. Chom a ra tammoù traoù met graet eo ar pep brasañ. Gant pep a urzhiataer dre daol e c'hello hor skolajidi kaout aozioù deskiñ gwellaet hag o c'helennerien ober o mad anezho. Trugarez d'ar gerent a youl vat ha d'ar gelennerien a zo deuet da labourat !

 

A-zevri outi !