Lundi 16 novembre 2009
1
16
/11
/2009
14:30
Par Skolaj Diwan Jakez Riou
-
Publié dans : Teuliadoù
0
-
Recommander
Jeudi 12 novembre 2009
4
12
/11
/2009
18:53
E-pad ar veaj e Bro-Saoz on bet plijet da gentañ tout gant an nozvezh er c'harr-boutin. Plijus e oa kousket gant
tout ar re 5vet, plijus e oa klevout an trouz bihan a rae pep hini.
War-lerc'h on bet plijet pa oamp er c'harr-boutin hag e oa ar familhoù o c'hortoz ac'hanomp er-maez, peogwir e oa gwasket tout an dud ! (Ne lavaran ket ne oan ket gwasket, me !)
Plijet on bet kalz en devezh m'omp bet er stal "The Cheshire Workshop" evit ober gouloù-koar. Fentus e oa gwelout ar fiselenn o tont koar war he zro.
Plijet on bet ivez (evel tout an dud, da'm soñj) gant ar shopping ! Fentus e oa : tout an dud a rede e pep lec'h evit kavout an dra a glaskent ! Ouzhpenn-se, war-lerc'h an tri c'hard eur he doa
roet Ninnog deomp evit ar shopping he deus roet un hanter eur pe ur c'hard eur muioc'h !
Plijet-tre on bet ivez en devezh m'omp bet er skol (The Victorian School of the 3 R's). Rak ar gelennerez a oa ganeomp a rae mat-tre ar gelennerez strizh-kenañ ha tout. Met un dra na oa ket re vat
e oa em boa disoñjet ma lunedoù. Ha dre faot se ne welen ket mat ar pezh a oa skrivet ouzh an daolenn.
Mod-all on bet plijet gant ar zoo ivez. Plijet on bet peogwir e oan en ur skipailh mat ha fentus hag ivez peogwir ne oan ket bet en ur zoo abaoe pell, pell a oa.
Setu ar pezh en deus plijet kalz din. En em rentañ a ran kont on bet plijet gant un tammig tout, met mat. Met disoñjet em eus un dra : Plijet on bet kalz gant ar familh he deus graet war ma zro
peogwir e oant jentil-tre hag e komprenen mat-tre ar pezh a lavarent.
Eve, 5ved Glas
Par Skolaj Diwan Jakez Riou
-
Publié dans : Buhez ar skolaj
0
-
Recommander
Mercredi 11 novembre 2009
3
11
/11
/2009
11:01
Ar strollad pe ul lodenn kentoc'h war an uhel e Oxford.
Olifanted a-gevret. Arouez zoo Chester.
Yohanna e bro ar marmouzed bras.
O tont 'maez eus an ti lec'h ma oa bet ganet William Shakespeare.
Ha piv c'hallfe bezañ ? Johanne Shakespeare, marteze !
Hon eil blenier...unan a-feson eta !
Stal labour dorn...hastit tudoù gouleier zo ezhomm.
Tost prest ar c'houlaouenn bremañ, na kaer.
In the wax, out the wax, DRIP, DRIP, DRIp and again.
Karr-tan he hunvreoù me 'lavar deoc'h.
Diroll evel an holl. Trugarez evit an holl brofoù.
Degemer mat e 1890. Prest evit ar gentel?
Ar re vras ivez... SMILE.
Arthur hag Athur e ti ar minimoys.
Plijadour.
Number 5, the leaf, chicken walk... pe vez dav gortoz, koulz c'hoari. Aet ar maout gant ar baotred... ha
sikouret vefent bet gant Jean-Luc.
Paourkaezh merc'hed... kollet adarre.
Snake walk... War evezh Loeiza, bez prim.
Par Skolaj Diwan Jakez Riou
-
Publié dans : Buhez ar skolaj
0
-
Recommander
Vendredi 6 novembre 2009
5
06
/11
/2009
17:49
Degemeret eo bet er mintin-mañ dileuridi Bodadeg Etrerannvroel ar Yezhoù hag ar Sevenadurioù a zo gant o
sizhuniad labour e Landerne. Tro dezho d'ober anaoudegezh gant buhez hor skolaj ha deomp da spurmantiñ dremmoù liesseurt an dileuridigezh.
60 dileuriad deuet a rannvroioù Bro-C'hall hag eus departamantoù tramor, Gwiana, Martinik, Réunion. Ganto
skiant-prenet o broioù hag ar c'hoant da zizoloiñ stad an traoù en ur skolaj Diwan. Goulennoù resis ganto diwar-benn implij ar brezhoneg en hor c'helennadurezh hag e buhez ar skolaj. Peseurt
statud a zo gant hoc'h implijidi ? Penaos e rit evit an dafar skol ? Peseurt istor a vez kelennet ganeoc'h d'ho skolajidi ? Digoret frank dor ur c'hendiviz a c'houlennfe kalz muioc'h a amzer.
Dedennus-tre komzoù Elzasiz diwar-benn levrioù istor kenskrivet gant Bro-C'hall ha Bro-Alamagn, re un Oksitan diwar-benn istor ar Wisigothed a zo da adskrivañ ha re un dileuriad a Wiana
diwar-benn an istor gwirion a zo da gelenn d'ar skolajidi ha n'eo ket an istor skrivet gant an drec'hourien... Lod o deus komzet eus ar bec'h a oa savet pa oa bet anv a embann ez ofisiel gounidoù
an trevadennadur gall, lod all a rae anv a lakaat e pleustr diouzhtu ar vreudeuriezh en ur vro a embann ar frankiz hag an ingalded...
Teoget ar Vodadeg...
Ur weladennig eta m'o deus gellet ivez ar berzhidi klevout hor skolajidi o kanañ pe o c'hoari sketchoù. Trugarez
da Sten ha da glasad ar 5ved Melen. Goude ar skolaj e oa tro skol Diwan Penharz ha KELENN. Ur banne kafe adnerzhekaat a oa kinniget d'an dileuridi a-raok adpignat er c'harr-boutin, penn ganto war
di-kêr Kemper.
Par Skolaj Diwan Jakez Riou
-
Publié dans : Buhez ar skolaj
0
-
Recommander
Vendredi 6 novembre 2009
5
06
/11
/2009
16:31
"TOUCH, GWELET, SELAOU, C'HWESHA"
Dec'h oa bet kinniget evit ar wech kentañ er bloaz-mañ ur film gant Daoulagad Breizh "TOUCH, GWELET, SELAOU, C'HWESHA" d'hor skolajidi 6vet ha 5vet klas, diwar-benn labour Gi Joncour,
mezeg-loened war ar maez. Dedennet-tre e oant o welet penaos pareañ ur vuoc'h pe ur c'hi, zoken ma oa skeudennoù un tammig start evit an daoulagad kizidik ! Degemeret oant bet e-barzh bed Gi
Joncour a zo tost-tre ouzh an natur hag an endro.
Goude bezañ sellet ouzh ar film o doa gellet hor skolajidi kurius sevel goulennoù gant Gi Joncour evit gouzout hiroc'h diwar-benn ar vicher hag al loened. Frouezhus-kenañ e oa bet an eskemm ha
desket zo bet ur bern traoù ganto. Piv a oar, marteze e oa un danvez mezeg-loened en o zouez...
Gi Joncour gant marmouzed ar skolaj
Par Skolaj Diwan Jakez Riou
-
Publié dans : Buhez ar skolaj
1
-
Recommander
