1/Kuitaat a reomp Pariz d'ar 14 diouzh ar mintin evit degouezhout e Bamako d'ar 14 diouzh an noz. Degemeret omp bet e ti mignoned a zo o chom eno.

2/Pa oamp aet er-maez an deiz war-lerc'h e oamp holl souezhet gant tout an traoù a c'hellemp gwelet. Otoioù o vont e pep lec'h, skouterioù o tremen forzh pelec'h, leun stank ar straedoù gant ar boblañs ha dreist-holl ur bern saotradur war al leur hag en aer. Ur cheñchamant krenn e oa.

Bamako

       Ur straed eus Bamako war vord an hent. 

3/Bamako (Kêr-benn ar Mali) 'zo ur gêr 1 809 106 annezad. Kresket eo kalz ar boblañs met n'en deus ket heuliet an isframm ken buan, ha merzet e vez e-kreiz kêr dre ma 'z eo stanket e pep lec'h gant otoioù ( abalamour d'an hentoù re strizh...) Bez 'zo lec'hioù 'zo n'eus ket tu tremen memes, dre ma 'z eo re stanket. 

4/Kemeret hon eus an hent evit mont war-zu ar « Pays Dogon ». Chomet omp a-sav evit debriñ ha kousket en ur gêriadenn anvet Segou. Aet omp goude merenn war ur seurt  pirogenn (pinasse) war an Niger evit mont da weladenniñ ur gêriadenn podourien.   

 Setu ur boderez omp chomet da sellet outi e-pad pell.

  Podoù-pri o vezañ poazhet

 5/Goude bezañ distroet da Segou, omp aet da weladenniñ ur stal-labour bogolan, anvet « Atelier Soroble ». Displeget eo bet deomp eus ar penn kentañ betek ar fin penaos sevel anezho.

 6/Kendalc'het hon eus hon hent betek Djenne. Ret eo bet deomp kemer ar vag-treizh evit treuziñ an dour.  Goude merenn omp aet da weladenniñ ar gêr gant un hencher lec'hel. Pignet omp war doenn e di evit gwelout ar gêr a-ziwar an uhel. Brav-tre e oa. Goude omp diskennet d'ar marc'had war plasenn ar voskeenn.            

Moskeenn Djenne eo an hini vrasañ er bed savet 100% e douar. Brav-kenañ e oa!

  Setu ar vag-treizh evit treuziñ an dour

Setu ar pezh a weler a-ziwar an doenn

Setu ar marc'had war plasenn ar voskeenn

  Moskeenn Djenne

  7/Kuitaat a reomp Djenne evit mont da v-Mopti. Erruet du-se, ez eomp ur wech c'hoazh war ur birogenn evit mont da weladenniñ ur gêriadenn pesketourien. Distroet omp just a-raok ma nozfe.  

8/Kuitaet hon eus ar gêr ziwezhañ a-raok ar  « Pays Dogon ». Kemeret hon eus un taksi-strouezheg evit mont betek Indelou, ur gêriadenn m'omp chomet enni war-dro 5 devezh. Graet hon eus un eurvezh war un hent dereat ha div eurvezh war un hent douar. Fiñval a rae kalz! Erruet e Indelou, hon eus gweladennet ar gêriadenn gant hon hencher. Ur redi e oa un tammig peogwir ez eus meur a lec'h difennet pe sakret  berzet mont enno.

Setu kêriadenn Indelou

 9/Bet omp o welet dañs ar maskloù, un doare hengounel eo evit trugarekaat an heol hag an douar da vezañ roet eostoù ken pinvidik. Diskouezet eo bet deomp penaos e veze graet ganto. Met merzet 'vez e krog da vezañ folklor dre ma  lakaont an douristed da baeañ evit mont da welet. Ar vugale hag ar merc'hed n'o deus ket ar gwir da sellout ouzh an abadennoù, neuze n'en em gavomp nemet e-ser touristed, ha nebeut-tre e oamp er gêriadenn.   

11/An Toguna, 'zo ul lec'h sakr ma en em adkav ar re gozh evit komz eus kudennoù ar gêriadenn. Izel eo, evel-se ne c'hell ket unan diouto sevel hag enerviñ. N'eus gwir gant den ebet estreget ar re gozh da vont dindan. Aet omp da welet liorzhoù ar gêriadenn. Brav-kenañ e oa! Gounezet e vez ognon ganto dreist-holl. 

  Setu liorzhoù Indelou 

 Setu un Toguna  

13/Aet omp da vale e-pad 5 devezh er « Pays Dogon » gant hon hencher en ur ober un ehan bep kreisteiz e lec'hioù disheñvel ha kousket bemnoz e kampoù disheñvel ivez. Un den a samme hor seier war e garr-bout dougennet gant e vual. Tu oa deomp ni ivez pignat war ar c'harr-bout ma oamp deuet da vezañ skuizh. Gweladennet hon eus meur a gêriadenn vrav-tre e lec'h m'hon eus bet bepred un degemer c'hwek hag a galon ! Gwelet ez eus bet ivez meur a vaezad kaer-meurbet! Setu Youga Dogourou, ur gêriadenn sevet en ur frailh, brudet evit he braventez.

      Setu Tornaod Bandiagara                          

Ur pontig evit treuziñ ar frailh

14/Distroet omp goude-se,  un nebeud devezhioù c'hoazh e Indeloù, hag adkemeret hon eus un taksi-strouezheg evit distreiñ da v-Mopti. Tremenet hon eus un devezh du-mañ. Kemeret hon eus  ur c'harr boutin e-pad 10 eurvezh da zistreiñ eus Mopti da v-Bamako.  A-raok mont kuit hon eus tremenet un devezh e Siby. Aet omp diouzh ar mintin da weladenniñ ur sindikad a brodu Karité. Hag e fin ar mintinvezh betek fin an abardaez omp bet o kouronkañ en ul lamm-dour. Al lec'h oa brav-spontus, krediñ a rae deomp e oamp er baradoz!  

Alice, 3de Melen

Degemeret mat omp bet gant Ifig Tromeur ha gant familhoù hag hentet da weladenniñ tiez nevez skol Vanaleg staliet gant an ti-kêr.

Emaomp gant tro ar skolioù o vont a skol da skol da ginnig ar skolaj. Bet omp e skolioù Diwan Tregon ha Banaleg hag e skolioù publik Ploveur ha Douarnenez. A-benn digwener e vo tro skol Diwan Kemper e Penharz ha sur a-walc'h e vo skolioù all da heul.

Sklaer, naet ha kempenn, salioù-klas plijus bevañ enno...

Degemeret e vo skolidi ar c'hlas V er skolaj d'ar Gwener 25 a viz Meurzh. En devezh-se e c'hellint ober anaoudegezh ganeomp ha gant an ti, bez e c'hello o zud dont da welout mont en-dro ur skolaj digor-bras evito. Antronoz e vo Bodadeg-veur kevredigezh Skolaj Diwan Jakez Riou, sinadeg kevrat bro rouedad Diwan ha dorioù digor evit ar familhoù. Un digarez eta da gejañ gant tud holl skolioù Diwan tro-war-dro, gant re Diwan Breizh ha gant tud KELENN, ensavadur stummañ Diwan.

D'ar Meurzh 4 a viz Genver ez eo deuet Lukian Kergoat (hag eñ kelenner brezhoneg e skol-veur Roazhon 2) da zistagañ ur brezegenn d'an daou glasad 3de.  

Dindan e-tro un eurvezh, ha gant forzh skeudennoù liesseurt bet dastumet gantañ, en deus displeget d'ar skolajidi petra eo ar pevar dispac'h a zo bet e Breizh abaoe 1945 : yezh, sevenadur, armerzh hag identelezh.

Sachet eo bet evezh an holl evit meur a abeg : desket o deus ar skolajidi kalz traoù, ha gouzout a oar Lukian kontañ an traoù en un doare saourus ha plijus-kenañ.

Liesseurt eo bet an abadenn : yezh, sokiologiezh, sonerezh, armerzh, eus Alan Stivell da A l'aise Breizh hag eus an tiez "nevez breton" da grouidigezh Brittany Ferries ez eus bet peadra!

E dibenn an abadenn o deus gellet ar skolajidi sevel goulennoù hag ober evezhiadennoù diwar-benn ar pezh o doa kavet dic'hortoz pe spontus, evel pa veze kinniget ar Vro vigoudenn evel Laponia en ur sturlevr eus ar bloavezhioù 1920 pe c'hoazh pa veze lakaet ar Vretoned da loened peogwir e komzent o yezh.