Samedi 20 juin 2009
6
20
/06
/2009
11:34
Par Skolaj Diwan Jakez Riou
-
Publié dans : Buhez ar skolaj
0
-
Recommander
Dimanche 14 juin 2009
7
14
/06
/2009
19:49
Mousc'hoarzhioù 5vedadezed...
A-benn diriaou e sal Ti an Holl Penharz adalek 8.15 diouzh an noz e vo c'hoariet labour ar bloaz gant klasadoù ar
skolaj. Kroget e vo gant labour ar re 6vet (Avaloù Vleago ha Yann e zaou wenneg, kontadennoù hengounel a Vreizh hag ar broioù keltiek), war-lerc'h e vo gwelet ar re 5vet o kinnig sketchoù berr ha
disoc'h ur raktres diwar-benn an teatr forom. Hag evit echuiñ, Shakespeare, gant "Othello", c'hoariet gant ar re Drede.
Louen a-zevri ganti !
Par Skolaj Diwan Jakez Riou
-
Publié dans : Buhez ar skolaj
0
-
Recommander
Samedi 6 juin 2009
6
06
/06
/2009
10:44
Ha n'eus ket bet un dakennig c'hlav, nemet e Kastellin, pa oamp er c'harr-boutin o tistreiñ d'ar skolaj ! Devezh
brav en un endro dispar : Kraozon-Morgad.
Ermaeziadeg e Tahiti ?
Danvez mistri
Kalm-chok !
Dilestrerien...
O sevel gant ar wenodenn. Marzh pleg-mor Douarnenez en diadreñv...
Pep hini o teskiñ ober gant ar c'haiak, mougevioù Beg ar Gador, siminalioù an diaoul. War-droad war ur wenodenn heñvel ouzh gwenodennoù menezioù uhel, e veze gwelet ar re all o kaiakiñ a-dreuz ar
gwez-pin. Hag ur wech war vor, gwelout neizh ur vorvran, mont don en ur vougev, gwelout blotviled drol anvet "pochoù pez", ha pegement a dud o lavarout "pegen brav eo, pegen brav eo !
..."
A-benn pegoulz displegadennoù e brezhoneg ?
Pik nik war draezhenn ar Gador, gant sandwichoù 100% bio. Gouelini a blije dezho debriñ ganeomp ivez. C'hoarioù
gant ar c'haiakoù : pignat war gaiak ar re all, mont da douchal penn ar c'haiak, sevel ha lakaat e zaouarn war e benn, ha setu Mael en dour, Ewen, Fragan ...
An ambrouger, Pierre-Yves, a oa laouen-tre : trugarekaet en deus ar strollad o lavarout e oa ur strollad
plijus-kenañ, seven ha leun a startijenn !
Taolioù heol, treid skuizh ... met ur bern skeudennoù e-barzh penn pep hini !
Da wellaat evit ar wech o tont koulskoude : echuiñ abretoc'h evit degouezhout abretoc'h er skolaj ! (17.20
...)
Par Skolaj Diwan Jakez Riou
-
Publié dans : Buhez ar skolaj
0
-
Recommander
Mardi 2 juin 2009
2
02
/06
/2009
17:37
Echuiñ gant an trede a zo evel...paouez da lakaat ur re votoù.
Plijet out bet kalz gant ar re votoù-mañ. Baleet 'peus ganto, graet 'peus sport ganto, c'hoarzhet 'peus ganto.
A-wechoù o deus graet poan treid dit, laouen 'oas o lakaat da chaosonoù.
Trist out o paouez gant ar botoù-se peogwir e oant brav, met laouen out memestra rak en ur stad fall e oant ha
peogwir e c'houlenne da dreid ur re votoù all, brav ha nevez. Re voaziet e oas gant ar botoù-se ha poent e oa cheñch.
Soñjoù brav az po eus ar re votoù-se, un tamm eus da vuhez int met laouen-tre o welet anezho en armel hag en da
dreid evit ar wech diwezhañ.
Par Skolaj Diwan Jakez Riou
-
Publié dans : Buhez ar skolaj
0
-
Recommander
Mardi 2 juin 2009
2
02
/06
/2009
17:34
Echuiñ gant an 3de klas a zo un tammig evel paouez gant un dra a blije din; e-lec'h ma oan anavezet; e-lec'h em boa
desket ur bern traoù gant tud 'zo na adwelin, da'm soñj, james.
Echuiñ gant an 3de klas a zo un tammig evel un disamm, gras eo din.
Echuiñ gant an 3de klas a zo un tammig evel treiñ pajenn ar vuhez ha dont da vezañ un den all, un den yaouank o tremen ar gwellañ bloavezhioù eus e vuhez.
Echuiñ gant an 3de klas a zo un tammig evel tremen kentañ tennad-hent ar vuhez.
Echuiñ gant an 3de klas a zo un tammig evel istor ur blantenn.
Echuiñ gant an 3de klas a zo un tammig evel mont kuit eus ul lec'h anavezet mat d'ul lec'h dianav.
Echuiñ gant an 3de klas a zo un tammig evel un hent bras en em zisparti e meur a hent bihan.
Echuiñ gant an 3de klas a zo un tammig evel fin ur film...
Echuiñ gant an 3de klas a zo un tammig evel cheñch kroc'hen evel un naer.
Echuiñ gant an 3de klas a zo un tammig evel kregiñ da vat da gavout e hent gant ar brezhoneg pe get, hervez dibab pep hini.
Echuiñ gant an 3de klas a zo un tammig evel...paouez da lakaat ur re votoù.
Echuiñ gant an 3de klas a zo un tammig evel penn-kentañ ar frankiz, mont kuit d'al lise, bezañ emren, ober ar pezh 'peus c'hoant.
Echuiñ gant an 3de klas a zo un tammig evel ...penn-kentañ ur vuhez nevez gant muioc'h a frankiz hag a emrenerezh.
Echuiñ gant an 3de klas a zo un tammig evel kuitaat ur bed en deus heuliet ac'hanomp abaoe ar skol.
Echuiñ gant an 3de klas a zo un tammig evel adkregiñ tout eus ar penn kentañ.
Echuiñ gant an 3de klas a zo un tammig evel mont en ur bed all.
Echuiñ gant an 3de klas a zo un tammig evel kouezhañ eus un tevenn.
Echuiñ gant an 3de klas a zo un tammig evel... pignat eus ur brank war ur wezenn.
Echuiñ gant an 3de klas a zo un tammig evel echuiñ gant ur veaj vras.
Echuiñ gant an 3de klas a zo penn-kentañ ar c'hrennoad, fin an dibrederi.
Echuiñ gant an 3de klas a zo un tammig evel kuitaat ma familh, kuitaat ar re 'm eus gwelet 4 devezh ar sizhun e-pad 4 bloaz.
Echuiñ gant an 3de klas a zo un tammig evel echuiñ gant ar CM2, met ivez kregiñ gant an eilvet klas.
Fin an trede klas a zo un tamm evel... ur match basket.
Par Skolaj Diwan Jakez Riou
-
Publié dans : Buhez ar skolaj
0
-
Recommander
