Maheo a zo un arzour yaouank a dremen e amzer labour o kizellañ delwennoù, o verañ podoù pe o livañ anezho, paour eo.

 

Anna Bodri, hi, a zo ur plac'h yaouank, un tammig yaouankoc'h eget Maheo. Ober he mad a ra eus ar vuhez, en em wiskañ a ra diouzh ar c'hiz, o vevañ en ur familh binvidik emañ, n'eo ket eus ar memes renk sokial ha Maheo.

 

N'eo ket alies e vez gwelet ur plac'h yaouank leun a startijenn, pinvidik-mor ha diouzh ar c'hiz o timeziñ d'ur paotr paour entanet met skuizhet gant e labour.

 

Ar gejadenn etre Maheo hag Anna Bodri a oa sañset chom a vicher, met o welet braventez ar plac'h eo troet Maheo da sot gant ar garantez hag o welet barregezh hag ampartiz ar paotr he deus kroget Anna Bodri da gaout mignoniezh da nebeutañ en e geñver...

 

Amourous eo Maheo anezhi, ar garantez a c'hell bezañ kreñvoc'h eget forzh petra, met lentik eo ha ne gred ket mont war-raok hag anzav e garantez eviti. Aon en deus ivez eus soñjoù tud ar plac'h, gellout a rafent soñjal eo ret d'o merc'h dimeziñ d'un den pinvidik.

 

N'eo ket posupl d'ar garantez etre Anna Bodri ha Maheo dont da vat. Re a ziforc'h a zo etrezo. Koulskoude e oa ur spi bihan, ret e vije bet da Vaheo pe d'eben diskuliañ o c'harantez. Keuz en deus Maheo...

 

Gwion, 4re Glas

 

(Skridaozadenn diwar-benn "an dour en-dro d'an inizi" gant Youenn Drezen.)

Bourraplted an dileuridi

 

Rentañ-kont devezh stummadur an dileuridi

 

 

PERZHIDI :

 

Noé COATMEUR (3de), Liza ROUYER (3de), Maïwenn COTTIER-GARIN (4re Glas), Ilan LE ROUX (4re Glas), Marilou ANDRO (4re Melen), Alan Seznec (4re Melen), Ulysse LEVER (5ved Glas), Maureen LOUBOUTIN (5ved Glas), Gorwenal LEVER (5ved Melen), Maïlis PAUGAM (5ved Melen), Maïna KERVERN (6ved Glas), Ewen LAROUR (6ved Glas), Pierre COATMELLEC (6ved Melen), Jeanne DANIEL (6ved Melen), Olier (Penngasour) ha Padrig (Rener).

 

PALIOU AR STUMMADUR :

 

Dizoloiñ karg un dileuriad ha klask termeniñ e berzhiadenn e buhez diabarzh ar skolaj a oa unan a balioù lodenn gentañ ar stummadur. Eil lodenn ar stummadur a oa he fal dezhi implij doareoù d'ober a-benn kas un emvod klas da benn.

Dre an eskemm, al labour a-stroll, ar c'hoarioù perzh, an tabut hon eus klasket reiñ ar gomz d'an holl ha deskiñ dreist-holl kaozeal e anv ar c'hlasad m'eo bet dilennet ar vugale ennañ.

 

FRAMM AR STUMMADUR :

 

9e15 - 10e50 : Degemer ha tro an daol : deskiñ en em ginnig ha komz dirak ar re all, gwelout petra 'fell deoc'h dizoloiñ 'pad ar stummadur. 1945-2009 : Plas an dileuriad er skol.

 

 

 

10e50 - 11e05 : Troc'h

 

 

11e05 - 12e40 : Termeniñ karg ha labour an dileuriad, klask kompren mont en-dro ar skolaj : petra a c'hell bezañ plas an dileuriad ennañ (dre ul labour a-stroll ).

 

12e40 - 13e35 : Merenn

 

13e35 - 14e45 : An dileuriad e buhez ar skolaj

 

14e45 - 15e10 : Prientiñ ar c'huzul-klas (deskiñ teknikoù ren un tolpad, implij ar fichenn arguziñ– tabutal).

 

15e10 - 15e35 : Troc'h

 

15e35 - 16e15 : Kinnig Diwan, mont en-dro ar gevredigezh, hec'h istor, he fal.

 

16e15 – 17e00 : Sac'h a bep tra ha bilañs an devezh.

 

Laouen an dud...

 

BILANS AR STUMMADUR :

 

 

Daoust d'an devezh stummadur bout berr a-walc'h eo bet studiet an holl sujedoù raktreset en a-raok. Dizoloet hon eus a-drugarez d'al labour a-stroll e oa diaes d'an holl dont a-benn da ziskleriañ kudenn-mañ-kudenn e-pad ur c'huzul-klas, se 'zo kaoz 'zo bet klasket termeniñ resis karg an dileuriad ha pouezet hon eus kalz war ar mod da gas an traoù : kaout ur sell hollek, bout gouest da arguzenniñ, bout ur c'hendivizer gouest da sevel darempredoù fiziañs gant ar c'hlasad a-bezh hag ar skipailh kelennerien.

Dedennet eo bet ar vugale gant teknikoù ren un emvod bet gwelet, servij a ray dezhe da brientiñ emvod ar c'huzul-klas gant ar c'hlasad hervez un nebeud mat anezhe.

 

Trugarez d'an holl bet kemeret perzh ganto !

 Peseurt mirdi en deus plijet dit ar muiañ?

·        Mirdi "The Roman Experience" rak fentus e oa. (Marie) "The Roman Experience" peogwir e plij din kalz ar soudarded roman. (Gwendal)

·        "Cadbury World" peogwir e oa brav. (Erell – Meltan) "Cadbury World" peogwir e kavan mat chokolad! (Melina)

·        Plijet on bet gant ar "Victorian School" peogwir e oa moutik ha brav ar c'hlas. (Nolwenn Do., Caitlin)

·        Ti Shakespeare peogwir em eus desket kalz a draoù. (Malo P)

 

LUN 7

War ar vag

 

 

Pik-nik war hent Birmingham

 

 

Cadbury World - Bournville

 

 

War hent Chester

 

 

  Mat e oa ar boued du-hont ?

·         Ne oa ket mat-tre peogwir e veze boued souryen alies… (Juliette)

·         Ya, mat e oa, ar vaouez a farde boued hec'h-unan. (Lena)

·         Mat e oa met ne cheñche ket kalz e-keñver ar pezh a zebrer amañ. (Aziliz)

·         Plijet on bet peogwir ne oa ket e-giz e Bro-C'Hall. (Aude)

·         Mat-kenañ e oa ar boued, Marina a zo ur geginerez ampart! (Erell)

·         Ya, mat-tre e oa, debret em eus Fish & Chips! (Nolwenn Do)

 

MEURZH 8

 

Candle makers – Burwardsley

 

 

Chester

 

 Dewa Roman Experience - Chester

 

 

 

 

 

 

 Penaos e oa ar familh-degemer ?

·         Jentil-tre: displegañ a raent deomp mat an traoù. (Gorwenal)

·         Plijus e oa peogwir o deus profet deomp ur voestad leun a vadigoù. (Meltan)

·         Jentil-kenañ e oa ar familh peogwir o deus degemeret ac'hanomp mat-tre. (Erell)

·         Plijus-tre e oa peogwir e raent mat war hon tro. (Olwen)

·         Jentil e oa ar familh, komz a rae an dud goustadik ganeomp. (Ehouarn)

·         Leun a aked e oant ganeomp. (Esther)

·         Jentil-tre e oant e-giz pa vijemp bet o bugale. (Eloïse)

 

MERC’HER 9

 

Park hall Victorian School

 

 

Iliz-Veur - Chester

 

  Dudius e oa ar veaj ? Petra a oa ar plijusañ evidout e-pad ar veaj ?

·         Sevel ur c'houlaouenn-goar a oa ar plijusañ peogwir e oa fentus. (Maureen, Gwellaouen, Marie, Melina)

·         Ar "Shopping"!!! (Maïmiti, Malo P, Brendan, Samuel, Matteo, Malo P, Aude, Ulysse, Morvan, Nolwenn, Tim, Nathan, Nolwenn Du., Malo T, Kaoura, Youenn, Caitlin)

·         Mat e oa peogwir hon eus gweladennet kalz a lec'hioù. (Maïmiti, Juliette, Aziliz)

·         Plijus-tre e oa war ar vag "Ferry". (Marie, Melina)

·         Mat-tre e oa er c'harr-boutin gant ma mignoned. (Tangi)

·         Plijus-tre e oa ar veaj hag ar familh-degemer. (Joshua, Gwendal, Melina, Meltan)

·         Brav-tre e oa ar veaj. (Youenn)

·         Plijus e oa met re hir war an hent. (Azilis)

·         Plijus e oa bezañ gant ma mignoned ha daremprediñ e saozneg. (Malo T)

 

YAOU 10

 

Shakespeare’s birthplace - Stratford-Upon-Avon