Dimanche 7 novembre 2010
7
07
/11
/Nov
/2010
19:54
3de klas : un degouezh ankenius
Er c'hentelioù arzoù e oa bet kinniget d'ar skolajidi 3de klas labourat war an dodenn da-heul : kinnigit un den en un degouezh
ankenius, ha savit meur a skeudenn, deoc'h da aozañ un heuliad darvoudoù. Ret e oa kinnig skeudennoù gwelet eus kornioù disheñvel. Deuet eo brav gant Alice, Jeanne hag Alan.
4re klas : da bep tra e du fall
Goude bezañ diskouezet ha displeget daou engravadur (Beer Street ha Gin Lane) gant William Hogarth (1697-1764)
e oa bet kinniget d'ar 4reidi labourat war an dodenn da heul : da bep tra e du(ioù) fall.
Tu fall an tireoul eo a ginnig Gwenc'hlan deomp. Hini ar madigoù a zo bet savet gant Louisa, hag an dresadenn griz war an
huñvreoù a zo bet savet gant Agathe.
Par Skolaj Diwan Jakez Riou
-
Publié dans : Teuliadoù
0
Vendredi 5 novembre 2010
5
05
/11
/Nov
/2010
00:35
3de klas : gweladenn an diskouezadeg war an arzoù kinklañ e Mirdi an departamant
Ha setu adkroget mat goude vakañsoù an Hollsent : e-keit ha ma oa ar skolajidi all gant o fenn devezh plijadur e brezhoneg eo
bet an daou glasad 3de o welout an diskouezadeg diwar-benn an arzoù kinklañ a ginniger er mare-mañ e Mirdi an departamant.
Klotañ a ra mat-tre dodenn an diskouezadeg gant hor programmoù : lakaat war-wel sevenadur Breizh hag ar pezh a veze krouet amañ,
ha reiñ deskadurezh ivez evit a sell ouzh istor an arzoù. Liammañ an daou a c'haller ober ivez : d'ar mare ma oa Roparz Hemon ha skipailh Gwalarn o lakaat al lennegezh vrezhonek da vezañ evel
lennegezhioù all ar bed, e veze arzourien evel skipailh ar Seizh Breur o lakaat ar c'hrouiñ breizhat da vont war vodernaat : skritelloù, asiedoù, listri, pezhioù-arrebeuri...
A bep seurt o deus gwelet ar skolajidi. Kinniget e oa an diskouezadeg e brezhoneg gant Annaig Loisel hag ambrouget e oa ar
skolajidi gant Padrig, Gael ha Ronan. Berzh bras a ra an diskouezadeg : raktreset e oa bet e padfe betek kreiz miz Ebrel, hag a-benn ar fin e vo kinniget betek miz Kerzu 2011.
Hon tikedoù mont-tre :
Dantelerezed yaouank Bigoudenn azezet, Maouez eus ar C'hab,
Bigoudenn
Beuzeg-Konk,
plastr
pri
poazh gant he labour
eoullivadur
gant René gant Le Jan eoullivadur
gant Alfred Delobbe
Quillivic
gant Henri Guinier
Par Skolaj Diwan Jakez Riou
-
Publié dans : Buhez ar skolaj
0
Dimanche 24 octobre 2010
7
24
/10
/Oct
/2010
23:08
Luc'hskeudenn gant Kenan an Habask
Berzh he deus graet Redadeg 2010. Dec'h vintin e Ti ar Vro Kemper e oa deuet ar mare da ingalañ an arc'hant. Chekennoù a zo bet
roet eta da Ziwan ha da 6 raktres dibabet evit o ferzh mat da gas ar yezh war-raok en un doare bev e-touez an dud. Levrioù enrollet gant Embannadurioù al Liamm, Malizenn bedagogel an natur gant
Ti ar C'hoadoù ar Chapel-Nevez, Stajoù gouren e brezhoneg gant strollad Gouren Aodoù an Arvor, Podkasterezh an abadennoù skingomz brezhonek gant Brudañ ha Skignañ, Breizh Akademi, stajoù
plijadur ha deskiñ brezhoneg evit ar grennarded, ar Vro-Bagan gant ur pezh-c'hoari istorel evit ar re yaouank war ar stern.
Dija emeur gant danvez Redadeg 2012. Ezhomm a vo ac'hanoc'h-holl, mignoned hor yezh, da reiñ lañs ha lusk dezhi. Gouzout a
ouezer e vo ur sizhunvezh klok ar wech-mañ a Sadorn da Sadorn, hag e vo redet 1 500 km. Plijadur de'i evit ar brezhoneg eta !
Par Skolaj Diwan Jakez Riou
-
Publié dans : Teuliadoù
0
Jeudi 21 octobre 2010
4
21
/10
/Oct
/2010
23:59
Land Art, petra eo? Da lavarout buan an traoù, e talvez kement ha sevel oberennoù arzel en diavaez. Krouet eo bet al luskad er
Stadoù-Unanet er bloavezhioù 1960. Labourat a rae an arzourien gant danvezioù naturel (traezh, douar, koad, maen...). A-wel d'an holl emañ an oberennoù, hag a vez savet in situ, ha peurliesañ e
vez dav tennañ poltredoù anezho peogwir ne badont ket, hag e cheñchont (pa ra glav, pa vez avel hag all). Un doare da guitaat bed ar mirdioù eo ivez, ha da ziskouez oberennoù arzel d'an
holl.
Setu unan eus an oberennoù brudetañ : Spiral Jetty gant Robert Morris (miz Ebrel 1970, 450m hirder X 4m ledander), Great Salt
Lake, Utah
Ha setu ar pezh he deus savet Alice (3de melen). Deuet eo brav ganti!
Par Skolaj Diwan Jakez Riou
-
Publié dans : Buhez ar skolaj
0
Mercredi 13 octobre 2010
3
13
/10
/Oct
/2010
09:29
Deiziadur DIWAN 2011
10 € an tamm. Ar pezh a vo ur c’hounidigezh a 5 € evit raktresoù ar
skolaj.
Tu vo deoc’h urzhiañ an deiziadurioù digant sekretourva ar skolaj, paeamant dre chekenn da : Kuzul-Skoazell Skolaj Diwan.
Par Skolaj Diwan Jakez Riou
-
Publié dans : Buhez ar skolaj
2
